बोरिया नादिघाटाता रेती उत्खनन: दोषींवर कारवाही करा अन्यथा २० ला आंदोलन

भामरागड;- बोरिया नदी परिसरात अवैध रेती उत्खननाचा प्रकरण अत्यंत गंभीर वळला आहे. या प्रकरणातील दोषी वन कर्मचारी व अधिकाऱ्यावर तात्काळ कारवाई करण्याची मागणी आदर्श समाज विकास सेवा संस्था, गडचिरोली या सामाजिक संगठनाने केली आहे. या संदर्भात, संस्थेचे अध्यक्ष योगाजी पांडुरंग कुडवे यांनी मुख्य वन संरक्षक यांना निवेदन देऊन ही मागणी केली आहे.

अवैध रेती उत्खनन: एक गंभीर समस्या

बोरिया नदी परिसरात हजारो ब्रास अवैध रेत उत्खनन झाले आहे व हे काम रात्री-दिवसभर सुरु आहे. या अवैध कार्यात वन कर्मचारी व अधिकार्यांची मोठी भूमिका असल्याचा आरोप आहे. ताडगाव वन परिक्षेत्रात ही रेती वापरली जात आहे, विशेषत: ताडगाव येथील आश्रमशाळा व इतर ठिकाणी रेतीचा वापर सुरु आहे. मात्र, वन कर्मचारी व अधिकारी या प्रकरणात कारवाई करीत नाहीत, यात कुठे तरी तस्करांणा कर्मचाऱ्यांचे अभय आहे

मागणी व इशारा

संस्थेने मुख्य वन संरक्षक यांना निवेदन देऊन दोषी वनरक्षक, वनपाल, व वनपरीक्षेत्र अधिकारी यांना तात्काळ निलंबीत करण्याची मागणी केली आहे. याव्यतिरिक्त, कंत्राटदारावर ५ पट दंड आकारून रक्कम वसुल करण्याची मागणी देखील केली आहे. अवैध रेत उत्खननाची रक्कम वनकर्मचारी यांच्या सेवा पुस्तकात नोंद करून वसुल करण्याचे म्हटले आहेत.

आंदोलनाचा इशारा

या मागण्या मान्य न झाल्यास, दिनांक २०/०२/२०२५ पासून वनवृत्त कार्यालय गडचिरोली समोर बेमुदत ठिय्या आंदोलन करण्याचा इशारा देण्यात आला आहे.या आंदोलनामुळे स्थानिक नागरिकांना व वन विभागाच्या कार्यालयाला त्रास होऊ शकतो, याची जाणीव दिली आहे.

सामाजिक प्रतिक्रिया

स्थानिक नागरिक व सामाजिक संगठन या प्रकरणातील दोषी अधिकार्यांवर कारवाई होण्याची मागणी करीत आहेत. अवैध रेत उत्खननामुळे पर्यावरणाचे नुकसान होत आहे व शासनाला लाखों रुपयांचे नुकसान होत आहे, याची जाणीव करून दिली आहे.